Samkvæmt enska blaðinu London Evening Standard mun Mason Mount miðjumaður Chelsea kveðja stuðningsmenn félagsins eftir síðasta heimaleikinn í deildinni á sunnudag.
Í gær birtust fréttir af því að Mount hefði mikinn áhuga á því að ganga í raðir Manchester United. Það væri félagið sem hann vildi fara til.
Enska blaðið segir frá því að Erik ten Hag hafi lengi viljað vinna með Mount og árið 2018 hafi hann reynt að fá hann til Ajax. Þá hafði Mount gert vel á láni hjá Vitesse í Hollandi.
Athletic sagði frá því í gær að Mount vildi fremur ganga í raðir United frekar en að fara til Liverpool eða Arsenal.
Chelsea og Mount hafa í eitt ár reynt að ná samkomulagi um nýjan samning en það án árangurs, Mount hefur alla tíð verið hjá Chelsea og ólst upp sem stuðningsmaður félagsins.
Enski boltinn á 433 er í boði 
