Manchester United ætlar sér að gera tilboð í Harry Kane á næstunni, félagið vill reyna að byrja sumarið á því að fá framherjann frá Tottenham.
Guardian fjallar um málið og segir að Kane sé efstur á blaði United þegar kemur að sóknarmönnum.
Guardian segir að Victor Osimhen framherji Napoli og Rasmus Højlund framherji Atalanta séu einnig á blaði. Napoli vill 130 milljónir punda fyrir Osimhen og þann verðmiða mun United ekki greiða. Hojlund er svo framtíðar maður í augum United.
Guardian segir United meðvitað um að erfitt gæti orðið að eiga við Daniel Levy stjórnarformann Tottenham. United ætlar því að byrja viðræður snemma í sumar til að reyna að ganga frá málinu.
Guardian tekur svo undir fréttir götublaða um að United sé einig byrjað að vinna í því að fá Mason Mount miðjumann Chelsea í sumar. Sé hann ofarlega á óskalista Erik ten Hag.