Tveir af launahærri leikmönnum Tottenham hótuðu því að fara frá félaginu í sumar ef Antonio Conte yrði ekki rekinn frá félaginu.
Frá þessu er sagt í Suður-Ameríku og er fjallað um að bæði Cristian Romero og Richarlison hafi ekki viljað vinna með Conte.
Conte var rekinn úr starfi í upphafi vikunnar en hann var einkar umdeildur á meðal leikmanna í hópnum.
Richarlison var keyptur til Tottenham síðasta haust en fann aldrei taktinn undir stjórn Conte.
Samkvæmt fréttum er í reynd almenn ánægja innan leikmannahóps Tottenham með að Conte hafi verið rekinn en hann stýrði liðinu í 18 mánuði.