Mason Greenwood, leik­maður Manchester United hefur verið í kast­ljósi fjöl­miðla lengi vel núna eftir að á­sakanir á hendur honum um kyn­ferðis­brot, til­raun til nauðgunar og stjórnandi hegðun, litu dagsins ljós. Nú hefur málið verið látið niður falla og er nú beðið eftir á­kvörðun Manchester United varðandi fram­tíð leik­mannsins í her­búðum liðsins.

Ítar­leg grein um Mason Greenwood og sögu hans hjá Manchester United birtist í dag hjá The At­hletic og er þar ýmis­legt dregið fram í dags­ljósið.

Í greininni er sjálfs­traust Greenwood á unga aldri meðal annars sagt hafa komið fram í tals­máta hans og hugar­fari. Hann hafi litið niður til ein­stak­linga í sömu stöðu og hann, litið stórt á sig.

Ein­stak­lingur sem þekkti vel til Greenwood á þessum tíma sagði hann hafa verið vel með­vitaðan um sína hæfi­leika og færni en að á sama skapi hikaði hann ekki við að láta aðra leik­menn heyra það, hann héldi ekkert aftur af sér í þeim efnum.

„Hann er dauður,“ sagði Greenwood um Cristiano Ron­aldo, goðsögn í sögu Manchester United á sínum tíma en hann var þá leik­maður Real Madrid og átti þá við að ferill þessa goð­sagna­kennda leik­manns væri kominn á leiðar­enda. Ein­staklingar úr starfs­liði Manchester United hafi í kjöl­farið leið­rétt hann og taldi þetta hugar­far hans vera merki um ó­þroskaðan ein­stak­ling.

Þetta hugar­far hans og tals­mátinn sem því fylgdi átti eftir að draga dilk á eftir sér þar sem hann sótti sér menntun sam­hliða knatt­spyrnu­ferlinum. Sumir kennarar og annað starfs­fólk sem um­gekkst Greenwood á hans skóla­göngu í Ashton on Mer­s­ey, minnast hans ekki með hlýju.

Þá eru dæmi um að Greenwood hafi, í sam­skiptum við ein­stak­linga úr starfs­liði Manchester United, hótað því að skipta yfir til ná­grannanna í Manchester City.

Heimildar­menn The At­hletic segja al­mennar á­hyggjur hafa ríkt hjá fé­laginu varðandi það að Greenwood gæti skipt um fé­lag. Það kom svo að þeim tíma­punkti að Manchester City reyndi að fá Greenwood yfir í akademíu sína en hann hafnaði því tæki­færi.