Romelu Lukaku snýr aftur til Chelsea í sumar þegar lándsvöl hans hjá Inter Milan tekur enda. Beppe Marotta stjórnarformaður Inter segir frá þessu.
Lukaku snéri aftur til Inter á láni í fyrra, aðeins ári eftir að Chelsea hafði keypt Lukaku á 100 milljónir punda frá Inter.
Lukaku og Thomas Tuchel náðu ekki vel saman og vildi belgíski framherjinn fara. Hann hefur hins vegar aðeins skorað fimm mörk hjá Inter í ár vegna meiðsla.
„Lándsdvölin var bara til eins árs, hann fer aftur til Chelsea,“ segir Beppe Marotta.
„Þetta hefur verið skrýtið tímabil vegna HM í Katar, Lukaku hefur ekki komist í form og ekki spilað sinn besta fótbolta.“
„Hann er ekki kominn í sitt besta form sem við sáum fyrir nokkrum árum.“
