„Ég held að Manchester City vinni deildina,“ segir Jamie O´Hara fyrrum miðjumaður Tottenham og sérfræðingur Talkport í dag.
O´Hara telur að á sjö daga kafla í lok apríl og í byrjun maí muni Arsenal kasta frá sér forskotinu sem toppliðið hefur í dag.
„City verður nálægt þegar fimm leikir eru eftir og þá mun Arsenal klúðra þessu, þetta heyrði ég um daginn og tek undir það.“
„Það er mikill fótbolti eftir, Arsenal á eftir að spila við City. Þeir spila við City, svo er það leikur við Chelsea sem eru að ná takti og svo útileikur gegn Newcastle.“
„Þrír rosalegir leikir þar sem Arsenal mun klúðra titlinum. Það er þessi vika frá 29 apríl til 6 maí þar sem ég held að Arsenal tapi deildinni.“
