Bernd Leno, markvörður Fulham, fékk hressilega á baukinn fyrir hegðun sína í tapi liðsins gegn Bournemouth í gær.

Þýski markvörðurinn, sem gekk í raðir Fulham frá Arsenal fyrir síðustu leiktíð, var pirraður er hans menn voru 2-0 undir í gær en leiknum lauk 3-0. Hrinti hann þá boltastrák fyrir aftan sitt mark eftir að hann hafði rétt honum boltann.

Leikmenn Fulham voru búnir að vera að pirra sig á hversu lengi boltastrákurinn var að koma boltanum í leik.

Leno var á gulu spjaldi en var ekki refsað fyrir atvikið.

Hann fór síðar að boltastráknum og bað hann afsökunar.

Hraunað var fyrir Leno á samfélagsmiðlum eftir atvikið í gær.

„Ímyndið ykkur að vera fullorðinn maður og hrinda ungum boltastrák. Ógeðslegt,“ skrifaði einn og margir tóku í sama streng.

Hér að neðan má sjá myndband af þessu.

Bournemouth ball boy gets pushed by Fulham goalkeeper Bernd Leno.
byu/TrenAt14 insoccer