Það gekk ekkert hjá Chelsea í dag sem spilaði við Everton í ensku úrvalsdeildinni.
Everton hefur spilað mjög vel undanfarnar vikur og fór nokkuð létt með Chelsea og vann 2-0 heimasigur.
Chelsea varð fyrir áfalli snemma leiks en fyrirliði liðsins, Reece James, var tekinn af velli eftir aðeins 27 mínútur.
James meiddist og þurfti að fara af velli en hann hefur glímt við töluvert af meiðslum á leiktíðinni.
Bakvörðurinn virðist ekki getað haldið sér heilum sem er alvöru áhyggjuefni fyrir þá bláklæddu fyrir framhaldið.
