Bruno Fernandes, fyrirliði Manchester United, viðurkennir að liðið hafi ekki sýnt Bournemouth nógu mikla virðingu í gær.
United spilaði vel í miðri viku í leik gegn Chelsea og vann þar 2-1 sigur en allt annað var í boði í leik helgarinnar.
Bournemouth gerði sér lítið fyrir og vann 3-0 útisigur á Old Trafford og áttu heimamenn í raun ekkert skilið í viðureigninni.
,,Það vantaði upp á svo mikið í dag og við náðum í engin úrslit. Allt var á lægra stigi en í leiknum fyrir það,“ sagði Fernandes.
,,Bournemouth er gríðarlega aggressíft lið og vilja sækja að þínu marki, þeir pressa og þú heldur að þetta verði auðvelt og þá færðu þessi úrslit.“
,,Ekkert gekk upp, við vorum ekki að skapa neitt, hreyfingin var engin og við vorum of seinir inn í boxið.“