Kim Kardashian, ein frægasta kona í heimi segir frá því að hún hafi fríkað út þegar hún hitti hinn norska, Erling Haaland í sumar. Þau voru mætt á tískusýningu á Ítalíu.

Haaland er framherji Manchester City en Saint, sonur Kardashian elskar fótbolta. Hefur Kim flakkað um Evrópu með hann og leyft honum að fara á leiki.

„Ég var á Ítalíu og hitti þar Erling Haaland, ég fríkaði gjörsamlega út því ég vissi að sonur minn yrði svo spenntur,“ segir Kim í viðtali í dag.

Þessi heimsfræga kona segist ekki hafa vitað hvernig hún ætti að haga sér en hafi farið beint í símann og leyft Saint að sjá Haaland.

„Ég breyttist í algjöran aula og fer á FaceTime á þessum viðburði og segi við Saint að hann trúi því aldrei hvern ég hafi hitt.“

„Ég er að breytast í þessa manneskju, fyrirgefið mér það.“

Saint hefur sést á leikjum Inter Miami með mömmu sinni en þau hafa einnig kíkt til Frakklands á leik hjá PSG og til London á leik með Arsenal.