Kona að nafni Patricia, sem tengist glæpahópnum sem rændi foreldrum Luis Diaz er sögð bera ábyrgð á verknaðinum og hafa skipulagt hann.

Glæpahópurinn, ELN í Kólumbíu hefur gefið það út að föður, Luis Diaz leikmanns Liverpool verði sleppt úr haldi á næstu dögum.

Manuel Diaz og eiginkonu hans var rænt um síðustu helgi, henni var sleppt en glæpahópurinn tók Manuel með sér á flótta.

Í gær komst lögreglan að því að ELN hópurinn hefði tekið pabba Diaz og hópurinn hefur ákveðið að gefast upp.

Móðir Diaz var skilin eftir í bíl en sonur þeirra hefur ekki spilað síðustu tvo leiki með Liverpool vegna málsins.

Yfirvöld telja að Patricia hafi skipulagt verknaðinn.