Vængmaðurinn Douglas Costa er svo sannarlega að reyna að fá samning hjá sínu fyrrum félagi, Juventus.

Costa spilaði síðasta fyrir LA Galaxy í Bandaríkjunum en er í dag laus allra mála og má semja frítt.

Costa er 33 ára gamall en hann er þekktastur fyrir tíma sinn hjá Shakhtar Donetsk og síðar Bayern Munchen sem og Juventus.

Brasilíumaðurinn hefur opinberlega greint frá því að hann vilji fá samning hjá Juventus og vill vera einn af ‘stríðsmönnum’ Massimiliano Allegri.

,,Ég myndi elska það að snúa aftur til Juventus, það er draumurinn,“ sagði Costa við Fabrizio Romano.

,,Ég vil vera stríðsmaður fyrir Allegri og finna fyrir ást stuðningsmanna Juve á ný. Umboðsmaður minn er í viðræðum við mörg félog og einnig Juventus.“

,,Við munum einnig fljúga til Sádi Arabíu þar sem sú deild er að stækka.“