Allt stefnir í að Sir Jim Ratcliffe eignist 25 prósenta hlut í Manchester United en fréttamaður Sky Sports útilokar ekki að Sheik Jassim reyni aftur.

Sheik Jassim hætti við tilboð sitt í félagið um helgina þegar ljóst var að Glazer fjölskyldan vildi ekki selja allt félagið.

Búist er við að stjórn United taki tilboð Ratcliffe fyrir á næstu dögum, fari það ekki alla leið gæti Jassim mættur aftur við borðið.

„Þeir eru að segja okkur að þeir séi hættir við en ef eitthvað gerist þá er ekki útilokað að þeir mæti aftur. Ef Ratcliffe nær ekki að klára sinn samning,“ segir Kaveh Solhekol ritstjóri hjá Sky Sports.

„Það er ekkert í gangi núna en Sheik Jassim er með peningana til að kaupa Manchester United á verði sem hann telur ansi gott.“

Stuðningsmenn Manchester United vilja helst losna alveg við Glazer fjölskylduna frá félaginu en það er ekki líklegt eins og staðan er núna.