Tony Fernandes fyrrum eigandi QPR fær svo sannarlega á baukinn fyrir að birta mynd af sér á stjórnarfundi hjá Air Asia sem er í eigu Fernandes.

Fernandes ákvað að birta mind af sér á LinkedIn þar sem hann er bera að ofan í nuddi.

„Ég elska Indónesíu og AirAsia fyrir þann kúltúr að ég geti farið í nudd á fundi,“ segir Fernandes.

Fernandes situr þar ber að ofan og lætur nudda sig á meðan hann fer yfir áætlanir fyrirtækisins á næstu mánuðum.

Fernandes var litríkur eigandi hjá QPR og eyddi miklum fjárhæðum en náði ekki miklum árangri.

Fernandes er nú búinn að eyða færslu sinni eftir að hafa verið sakaður um að niðurlægja nuddarann og samstarfsmenn sína með myndinni.