Kylian Mbappe ætlar ekki að taka ákvörðun um framtíð sína fyrr en eftir að keppni Paris Saint-Germain í Meistaradeild Evrópu á þessari leiktíð er lokið. Þetta kemur fram á franska miðlinum L’Equipe.
Mbappe var í frystikistunni lengi vel í sumar og ætlaði sér frítt frá félaginu á næsta ári, þegar samningur hans rennur út. Hefur hann verið sterklega orðaður við Real Madrid og talið að hann vilji halda þangað einn daginn.
Svo varð hins vegar U-beygja og Mbappe til í að íhuga að vera áfram og lofaði að hann færi ekki frítt.
PSG vill halda leikmanninum og hefur ítrakað boðið honum nýjan samning. Miðað við nýjustu fréttir tekur hann hins vegar enga ákvörðun fyrir eftir að Meistaradeildartímabili PSG er lokið, hvenær svo sem það kann að vera.
