Fyrrum Grindvíkingurinn, Lee Sharpe, hefur sett stórt spurningamerki við ákvörðun Manchester United í sumarglugganum.

Sharpe lék um tíma með Grindavík hér á landi en hann er þekktastur fyrir tíma sinn sem einmitt leikmaður Man Utd.

Sharpe er einn af mörgum sem setur spurningamerki við ákvörðun Man Utd að fá inn Andre Onana frá Inter í sumar.

Onana hefur gert mörg mistök á tímabilinu en hann leysti David de Gea af hólmi sem var harðlega gagnrýndur síðasta vetur.

,,Ég veit að De Gea var gagnrýndur fyrir eigin mistök en þar til á síðasta ári var hann valinn leikmaður ársins þrjú ár í röð,“ sagði Sharpe.

,,Hann var magnaður markmaður. Þeir ákváðu að fá inn Onana og spörkuðu honum út, það var ekki beint fagmannlegt.“

,,Það eru nokkrir sem setja spurningamerki við þessa ákvörðun og það er eðlilegt þegar arftakinn er að gera fleiri mistök en sá sem var í markinu.“