fbpx
Sunnudagur 02.apríl 2023
433Sport

Bjarni Ben fullyrðir að margar fréttir muni berast af stóra málinu í Laugardal á næstunni

433
Laugardaginn 28. janúar 2023 10:30

Bjarni Benediktsson er fjármálaráðherra.

Ekki missa af Helstu tíðindum dagsins í pósthólfið þitt

Lesa nánar

Bjarni Benediktsson, fjármálaráðherra og formaður Sjálfstæðisflokksins, kom í Íþróttavikuna með Benna Bó sem sýnd er á Hringbraut á föstudagskvöldum. Gestur með honum var sjálfur Hjörvar Hafliðason, Dr. Football.

Málefni Laugardalsins bar á góma en eins og alþjóð veit eru íslenska landsliðin að spila í elstu þjóðarhöll Evrópu og á einhverjum elsta þjóðarleikvangi álfunnar. Margt hefur verið ritað og rætt og spurði Benedikt Bóas, þáttarstjórnandi, hvort það væri verið að fara taka upp hamar og nagla í bráð.

„Það sem ég hef verið að kalla eftir er að menn nái niðurstöðu um hlutverk hvers og eins. Það er alls ekki sjálfgefið að ríkið komi að því að reka svona mannvirki. Við erum ekki að því í dag.

Helst hefði ég viljað að ríkið kæmi með einhverja tiltekna krónutölu og framlag. Þetta er í vinnslu og ráðherra íþróttamála hefur verið að leiða þetta samtal við borgina. Við höfum metnað til að gera þetta vel en þau mega heldur ekkert klikka.

Spurningin er hversu mikið Reykjavíkurborg sjálf leggur áherslu á að taka þátt og vera með eðlilegan hlut í þessu því mér finnst það svolítið óljóst,“ sagði Bjarni.

Halli Reykjavíkurborgar er mikill og varla séð að borgin ráði við að vera hluti af svo stórri fjárfestingu. „Þetta er ekkert svo stórt verkefni að menn leysa það ekki. Það er mín skoðun. Þetta er verkefni sem þú ferð sjaldan í og horfir til áratuga. Menn eiga að gera þetta af metnaði þegar farið verður af stað.“

Hjörvar spurði hvort þessi mannvirki verði að vera í Laugardalnum. Hvort það væri hægt að fara með þetta annað og tók sem dæmi í Kópavog og benti á að eitt skemmtilegasta vallarstæði væri í Kaplakrika. „Eina sem ég vil ekki er kleinuhringjavöllur. Ég vil fjórar stúkur,“ sagði hann ákveðinn.

Bjarni sagði að það væri ekki greypt í stein að Íþróttamannvirki væru í Laugardal. „Þar er rými og það er saga og þetta er höfuðborgin og þetta er ákveðin miðstöð. Þarna eru sérsamböndin og það er eðlilegt að maður horfi til þess.

En mér finnst að þetta mál megi ekki dragast mikið lengur af því það næst ekki samkomulag við Reykjavíkurborg um eðlilega aðkomu. Það finnst mér ekki. Að minnsta kosti ætti að skoða hvort aðrar leiðir eru færar. Þetta er sá farvegur sem málið er í augnablikinu og það verður eflaust margt að frétta á næstu mánuðum.“

video
play-sharp-fill
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 14 klukkutímum

Enska úrvalsdeildin: Jesus með tvö í sannfærandi sigri Arsenal – Mikið fjör í sex marka leik

Enska úrvalsdeildin: Jesus með tvö í sannfærandi sigri Arsenal – Mikið fjör í sex marka leik
433Sport
Fyrir 15 klukkutímum

Manchester United aðeins keypt sex heimsklassa leikmenn síðan 2013 – Fimm eru þar í dag

Manchester United aðeins keypt sex heimsklassa leikmenn síðan 2013 – Fimm eru þar í dag
433Sport
Fyrir 17 klukkutímum

Sjáðu fagn Guardiola sem gerir allt vitlaust á netinu – Leikmenn Liverpool spiluðu stórt hlutverk

Sjáðu fagn Guardiola sem gerir allt vitlaust á netinu – Leikmenn Liverpool spiluðu stórt hlutverk
433Sport
Fyrir 17 klukkutímum

Byrjunarlið Arsenal og Leeds – Jesus fremstur

Byrjunarlið Arsenal og Leeds – Jesus fremstur
433Sport
Fyrir 19 klukkutímum

Sá eini sem var nálægt því að kýla hann á ferlinum – ,,Nú vorkenni ég þér“

Sá eini sem var nálægt því að kýla hann á ferlinum – ,,Nú vorkenni ég þér“
433Sport
Fyrir 20 klukkutímum

Segir að Manchester United þurfi að losa tíu leikmenn í sumar – Nöfnin koma verulega á óvart

Segir að Manchester United þurfi að losa tíu leikmenn í sumar – Nöfnin koma verulega á óvart