Ónefnd knattspyrnustjarna er í vandræðum eftir að hafa neitað að borga tannlækni rúmlega fjórar milljónir króna.

Enskir miðlar greina frá en maðurinn er ekki nafngreindur en hann er þekkt nafn í ensku úrvalsdeildinni.

Leikmaðurinn fór í tannréttingu sem kostaði 25 þúsund pund en bjóst við að fá þjónustuna frítt.

Tannlæknirinn er mjög virtur í London og hefur þjónað mörgum stjörnum á Englandi en hann var steinhissa er leikmaðurinn neitaði að borga fyrir þjónustuna.

Samkvæmt enskum miðlum bjóst leikmaðurinn við að fá þjónustuna frítt á móti því að hrósa stofunni opinberlega.

Tannlæknirinn sá rautt eftir þessa hegðun leikmannsins og hringdi um leið í innheimtumenn eru á eftir stjörnunni og heimta borgun.

Enskir miðlar eru að vinna í því að komast að því hver maðurinn er og gæti það komið í ljós strax eftir helgi.