Umspil um sæti í Bestu deild karla að ári hefst í dag með tveimur leikjum. Verða þeir aðgengilegir hér á 433.is.

Tillaga um breytt fyrirkomulag í Lengjudeildinni var samþykkt á ársþingi KSÍ 2022 og kemur nú til framkvæmdar. Liðin sem lentu í sætum 2-5 fara í umspil og mætast annarsvegar sæti 2 og 5 og hinsvegar sæti 3 og 4 í tveimur leikjum heima og að heiman.

Fyrri leikirnir fara fram í dag klukkan 16:30 þar sem Leiknir og Afturelding mætast í Breiðholti og á Ísafirði mætast Vestri og Fjölnir.

Á sunnudaginn næstkomandi mætast svo þessi lið aftur og þá kemur í ljós hvaða lið mætast í hreinum úrslitaleik á Laugardalsvelli um laust sæti í Bestu deildinni.

Allir fjórir leikirnir verð í opinni dagskrá á Youtube-rás Lengjudeildarinnar og á 433.is.