Ian Jeffs hefur látið af störfum sem þjálfari Þróttar í Lengjudeild karla en þetta var staðfest í kvöld.

Jeffs hefur þjálfað Þrótt undanfarin tvö ár og gert flotta hluti með liðinu. Þróttur hafnaði í áttunda sæti Lengjudeildarinnar í sumar.

Þetta var algjörlega ákvörðun Jeffs að hætta en knattspyrnudeild Þróttar hafði allan hug á að halda honum í starfi.

Þá er það að frétta úr Lengjudeildinni að Gunnar Heiðar Þorvaldsson mun halda áfram sem þjálfari Njarðvíkur.

Gunnar Heiðar tók við liðinu fyrr á þessu ári og hefur nú gert samning til ársins 2025.

Hann gerði vel með því að halda Njarðvík í Lengjudeildinni og er verðlaunaður fyrir flott störf.