Ísland tapaði 3-1 og er vonin um að fara á EM í gegnum undanriðilinn svo gott sem búin.
„Mér líður ömurlega. Við gerðum hræðileg mistök í dag og þú vinnur ekki landsleiki þannig. Það eru mikil vonbrigði,“ sagði Hareide við Stöð 2 Sport eftir leik.
„Mér fannst leikmenn sýna karakter og reyna. Það er erfitt að lenda manni undir og við gefum leikinn auðvitað. Við erum meira með boltann en þeir og sumir af ungu leikmönnum okkar voru mjög góðir í dag, eins og Hákon.“
Ísland fékk á sig vítaspyrnu snemma leiks eftir mistök Harðar Björgvins Magnússonar og Rúnars Alex Rúnarssonar. Hareide var ekki sáttur með dóminn og gagnrýnir myndbandsdómgæsluna.
„Ég skil ekki af hverju þeir sjá eitthvað ef dómarinn á vellinum sér ekkert. Það er hræðilegt að VAR taki ákvörðun með svona. Þetta var ákvörðun dómarans. Svo fer hann að skoða þetta og þeir hafa þegar tekið ákvörðun í VAR herberginu.
Þetta var dagur þar sem allt fór til helvítis fyrir okkur og við þurfum að rífa okkur upp,“ sagði Hareide að lokum.
Ísland mætir Bosníu-Hersegóvínu á mánudag.
