Sóli Hólm er nýjasti gestur Íþróttavikunnar, sem sýnd er í Sjónvarpi Símans undir hlekk Hringbrautar og á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.
Breiðablik er komið í riðlakeppni Sambandsdeildarinnar fyrst íslenskra karlaliða. Liðið verður í riðli með Gent frá Belgíu, Maccabi Tel Aviv frá Ísrael og Zorya frá Úkraínu.
„Það væri geggjað að vinna leik, þess vegna heima,“ sagði Hrafnkell í þættinum.
Sóli samgleðst Óskari Hrafni þjálfara og Blikum innilega.
„Ég þekki Óskar vel og hann gengur framhjá húsinu mínu daglega með hundinn. Hann talar hátt. Í rauninni ætti ég að selja upplýsingarnar sem ég heyri af því hann talar bara um fótbolta,“ sagði hann léttur.
„Ég er búinn að þekkja hann í tuttugu ár og held með honum. Óskar er virkilega skemmtilegur og frábær gæi.
Það eru fá ár síðan hann var að deila skrifstofu með Baldri Kristjáns vini mínum. Þá var hann að sýna okkur drónaskot af 4. flokki kvenna. Ég held hann hafi ekki einu sinni verið byrjaður að þjálfar meistaraflokk Gróttu. Að hann sé núna búinn að tryggja lið inn í alvöru Evrópukeppni er rosalegt.“
Umræðan í heild er í spilaranum.
