Leikmaður í ensku úrvalsdeildinni sem sakaður hefur verið um ítrekuð kynferðisbrot er ekki lengur undir formlegri rannsókn. Lögreglan segist ekki geta haldið honum áfram með stöðu grunnaðs manns og látið hann vera lausan gegn tryggingu.

Er maðurinn laus allra mála þangað til annað kemur í ljós.

Leikmaðurinn sem lék með þjóð sinni á HM í Katar var fyrst handtekinn á heimili sínu í júlí á síðasta ári. Er hann búsettur í Norður-London. Hefur rannsókn lögreglu staðið yfir síðan þá.

Leikmaðurinn hefur haldið áfram að spila með liði sínu í ensku úrvalsdeildinni. Hann er sakaður um fleiri brot en hin meintu brot áttu sér stað í apríl og júní árið 2021.

Lögreglan segir að leikmaðurinn þurfi ekki lengur að svara fyrir málið hjá lögreglu en það verði þó áfram skoðað.

Þriðja konan steig fram fyrr á þessu ári og sakaði hann um nauðgun en lögreglan hefur ekki gefið út hvernig málið þróast. Leikmaðurinn átti að svara til saka í ágúst en nú er ljóst að það verður ekki.