Rafael Leao er sannfærður um að hann geti unnið Ballon d’Or eða Meistaradeildina sem leikmaður AC Milan.

Milan hefur ekki gert það of gott í Evrópu í langan tíma en Leao er talinn vera einn öflugasti sóknarmaður Evrópu.

Mörg félög í Evrópu höfðu áhuga á að semja við Leao sem krotaði undir nýjan samning við Milan í síðasta mánuði.

Portúgalinn virðist vera sáttur hjá sínu félagsliði og er viss um að hann geti unnið stærstu verðlaunin á San Siro.

,,Ég varð áfram því þeir hjálpuðu mér að ná mínum markmiðum – við unnum deildina saman og félagið leyfði mér að þroskast sem leikmaður,“ sagði Leao.

,,Mér líður eins og ég sé leiðtogi liðsins, þetta er rétta félagið fyrir mig til að ná frekari árangri hjá eins og að vinna Meistaradeildina eða Ballon d’Or.“