Jón Gnarr heldur áfram að koma með skemmtilegar breytingartillögur í knattspyrnunni hér á landi. Nú tók hann fyrir nöfn knattspyrnufélaga.

Í síðasta mánuði skrifaði Jón færslu á Twitter þar sem hann kvaðst ekki hrifinn af því að fótboltamenn- og konur hér á landi séu kennd við föður sinn í knattspyrnutengdri umræðu.

„Að kenna íslenskt fótboltafólk við pabba sinn er bara bull. Pele var gælunafn. Ekki þurfti hann að vera merktur Nascimento enda engin sem vissi hver það var frekar en Sigurðsson og Guðmundsdóttir,“ skrifaði Jón þá.

Meira
Jón Gnarr vill sjá Íslendinga segja skilið við þetta hið snarasta – „Hætta þessum kjánaskap strax“

Í gær kom svo ný færsla frá Jóni eftir leik Breiðabliks og FC Kaupmannahafnar í forkeppni Meistaradeildar Evrópu.

„FCK stendur fyrir Fótbolta Klúbbur Kaupmannahafnar og er alvöru nafn á fótboltaliði. Það vita engin hvað Breiðablik þýðir. Ef Breiðablik héti FKK Fótboltaklúbbur Kópavogs þá hefðu þeir rústað FCK,“ skrifaði Jón á reikning sinn.

Um fyrri leik liðanna í 2. umferð var að ræða og hafði FCK betur, 0-2.

FCK stendur fyrir Fótbolta Klúbbur Kaupmannahafnar og er alvöru nafn á fótboltaliði. það vita engin hvað Breiðablik þýðir. ef Breiðablik héti FKK Fótboltaklúbbur Kópavogs þá hefðu þeir rústað FCK

— Jon Gnarr (@Jon_Gnarr) July 25, 2023