Cristiano Ronaldo gæti hafa verið að klúðra samningi sínum við Nike eftir að hafa klætt sig í legghlífar sem eru ekki merktar fyrirtækinu.
Ronaldo er með 10 ára samning við Nike sem færir honum 25 milljarða króna yfir þann tíma.
Ronaldo sem er 38 ára gamall var nefnilega með Adidas legghlífar í leik Al Nassr við Celta Vigo á dögunum.
Ronaldo spilaði 45 mínútur í leiknum og var staðan 0-0 þegar hann fór af velli, en Al Nassr tapaði 5-0 í seinni hálfleik.
Forráðamenn Nike eru ekki sáttir með þetta enda eru Adidas erkifjendur Nike á markaðnum og gæti Ronaldo misst samninginn eða fengið væna sekt.
