Það eru ýmis vandamál sem blasa við Erik ten Hag stjóra Manchester United þessa dagana þegar minna en mánuðir eru í fyrsta leik í ensku deildina.
Söluferli félagsins hefur ekki gengið eins og búist var við og er óvissan vegna þess gríðarleg.
Liðinu sárvantar markaskorara og á Mason Greenwood en það er algjörlega óvíst hvort félagið vilji yfir höfuð spila honum.
Hér að neðan eru fimm vandamál stjórans í aðdraganda tímabilsins.
Marcus Rashford var duglegur að skora á síðustu leiktíð en aðrir komu með minna á borðið. Liðið eltist við Rasmus Hojlund tvítugan framherja Atalanta sem hefur ekki beint raðað inn mörkum á ferli sínum.
Ljóst er að helsti hausverkur Ten Hag verður að finna framherja sem hægt er að bóka að skorar mörk.
Bruno Fernandes tekur við bandinu af Harry Maguire, Ten Hag ákvað að svipta Maguire bandinu og hefur valið Bruno. Þetta ætti ekki að vera vandamál en Maguire og staða hans hjá félaginu er slæmt eftir þessa ákvörðun.
Þeir aðilar sem hafa reynt að kaupa Manchester United undanfarna mánuði eru farnir að óttast að Glazer fjölskyldan ætli ekki að selja félagið. Söluferlið var sett af stað í nóvember en Sheik Jassim frá Katar og Sir Jim Ratcliffe hafa síðan þá barist um félagið.
Síðustu tilboð þeirra í félagið komu í maí og áttu flestir von á því að snemma í júní færi málið að skýrast. Jassim og Ratcliffe hafa hins vegar ekkert heyrt frá Glazer fjölskyldunni og eru báðir aðilar farnir að hallast að því að félagið verði ekki selt.
Ljóst er að ef félagið yrði selt þá munu nýir eigendur aldrei getað klárað kaupin fyrir lok ágúst þegar félagaskiptaglugginn lokar.
Manchester United á einn öflugan sóknarmann en staða hans er í óvissu, Greenwood hefur hvorki æft né spilað með félaginu í 18 mánuði. Greenwood var handtekinn vegna gruns um nauðgun og ofbeldi í nánu sambandi. Hann er hins vegar frjáls ferða sinna í dag en óvíst er hvort United vilji spila honum.
Ljóst er að leikstíll United breytist talsvert með komu Andre Onana sem vill spila frá markinu og er til í að taka hinar ýmsu áhættur til að halda boltanum. Þetta var ekki hjá David de Gea.
Erik ten Hag vill halda boltanum og spilar sóknarbolta en óvíst er hvort United sé komið með leikmannahóp í slíkt
