Það ætlaði allt að verða vitlaust í leik Gróttu og Grindavíkur sem fór fram í Lengjudeildinni í dag. Um var að ræða mikilvægan leik á milli þessara liða en Grótta hafði óvænt betur, 2-0.

Grótta hefur nú gefið frá sér yfirlýsingu og greinir frá árás sem átti sér stað eftir lokaflautið. Þar kemur fram að leikmaður og starfsmaður Grindavíkur hafi ráðist á leikmenn heimaliðsins. Var leikmaðurinn sem er Guðjón sakaðr um að taka leikmann Gróttu hálstaki og játar Guðjón því.

Guðjón Pétur Lýðsson, leikmaður Grindavíkur, hefur neyðst til að tjá sig um málið sjálfur en hann greinir frá því hvað gerðist við búningsklefana eftir leik.

„Í kjölfarið skorar Grótta 2-0 og í fagnaðarlátunum var ég kallaður aumingi og önnur niðrandi orð meðan ég lá eftir á vellinum. Alls ekki gróttu sæmandi en áfram gakk. Eftir leik var smá hiti í mér og bíð ég eftir þessum aðila við klefana og ætla að ræða við hann hvað í andskotanum honum hafi gengið til með að lúðra olnbogsnum í andlitið á mér , hann steig skref á móti mér og ég greip þá með báðum höndum í hálsmálið og héllt honum frá mér strax í kjölfarið koma fullt af aðilum eins og oft gerist þegar svona riskingar eiga sér stað og ég er tekinn frá þessum leikmanni,“ segir Guðjón.

Guðjón var svo sakaður um rasisma í garð liðsfélaga en segir. „En mér finnst alger óþarfi að fara með einhverjar öfga bull sögur í fjölmiðla. Ef maður væri nú fullkominn hefði maður ekki átt að spjalla við þennan dreng eða rífa í hann en eitthvað bull um rasisma og svona dramatiskar frásagnir eða slúður finnst mér ég bara verða að svara fyrir,“ skrifar Guðjón.

Guðjón fer ítarlega yfir það sem átti sér stað og segir sig neyddan í að svara fyrir meintan rasisma sem og annað.

Yfirlýsing Guðjóns:

..Jæja fyrst þetta er standardinn á fréttamennsku hjá fréttamanni Vísis bókstaflega í ruslinu. Þá bara höfum þetta rétt en við töpuðum leik við gróttu, sem var hundfúlt og í kaupbæti fékk ég vænan olnboga og vankaðist. Í kjölfarið skorar Grótta 2-0 og í fagnaðarlátunum var ég kallaður aumingi og önnur niðrandi orð meðan ég lá eftir á vellinum. Alls ekki gróttu sæmandi en áfram gakk. Eftir leik var smá hiti í mér og bíð ég eftir þessum aðila við klefana og ætla að ræða við hann hvað í andskotanum honum hafi gengið til með að lúðra olnbogsnum í andlitið á mér , hann steig skref á móti mér og ég greip þá með báðum höndum í hálsmálið og héllt honum frá mér strax í kjölfarið koma fullt af aðilum eins og oft gerist þegar svona riskingar eiga sér stað og ég er tekinn frá þessum leikmanni og settur inn í klefa og er þar meðan menn rîfast eitthvað frammi áfram og ráðist er að einum starfsmanni Grindavíkur. Varðandi einhvern rasisma af minni hálfu þá er það fyrir neðan allar hellur að setja svona frétt fram án staðfestingar frá einum aðila sem var á svæðinu,“ skrifar Guðjón.

,,Þetta er ekki fyrsta né síðasta skiptið sem stimpingar gerast milli liða og hefur maður lennt sjálfur í allskonar allt frá að vera kýldur eftir leik eða annarskonar minniháttar ofbeldi , hrindingar eða annað barnalegt dæmi. Þetta er að sjálfsögðu ekki til fyrirmyndar og engum til framdráttar en fótbolti er leikur tilfinninga og stundum fara menn yfir strikið verð fyrstur til að taka á mig mín mistök eins og ég geri hér. En mér finnst alger óþarfi að fara með einhverjar öfga bull sögur í fjölmiðla. Ef maður væri nú fullkominn hefði maður ekki átt að spjalla við þennan dreng eða rífa í hann en eitthvað bull um rasisma og svona dramatiskar frásagnir eða slúður finnst mér ég bara verða að svara fyrir.“

,,Annars bara áfram með smjörið og hrósa hér með gróttu fyrir flott fótboltalið sem þeir mega vera stoltir af og ætla ég að halda áfram með lífið.“

,,Mér fannst fyrir nokkrum vikum þegar Víkingar og blikar áttust við og allt fór í háfaðaloft fyrir opnum tjöldum það var tæklað vel. Það var tæklað almennilega af öllum sem að því komu félögin gerðu ekki meira mál úr að óþörfu og lífið heldur áfram.Og ef menn þurfa að biðjast afsökunar þá gera þeir það.“

,,Að lokum, blaðamenn gera fréttir til að fá klikk og ég á þúsund slúðursögur handa þeim ef þeir vilja en ég vona að þeir fari ekki að birta þær allar enda yfirleitt þvæla.Annars bara gleðilegt sumar. Set punktinn við þetta mál hér af minni hálfu.“