Barcelona er óvænt á eftir undrabarninu Andrey Santos sem er samningsbundinn Chelsea á Englandi.
Santos hefur aldrei spilað leik fyrir Chelsea en félagið borgaði 18 milljónir fyrir strákinn sem kemur frá Vasco da Gama.
Kaupin gengu í gegn í janúarglugganum en Santos var um leið lánaður aftur til Vasco og kláraði tímabilið þar.
Samkvæmt Daily Mail er Barcelona að reyna að fá Santos í sínar raðir í sumar þó hann hafi aldrei spilað leik fyrir Chelsea.
Um er að ræða 19 ára gamlan miðjumann sem hefur spilað 49 meistaraflokksleiki þrátt fyrir ungan aldur.
Ekki nóg með það heldur á Santos að baki einn landsleik fyrir A landslið Brasilíu og myndi svo sannarlega kosta sitt ef Börsungar ætla að fá hann í sumar.
