Þýski Heimsmeistarinn, Manuel Neuer er staddur hér á landi í sumarfríi og virðist kunna vel við land og þjóð ef marka má Kareni Kjartansdóttur fyrrum fjölmiðlakonu.

„Ok, Lindarhvolsskýrsla og hugsanlega kannski eldgos en vissuð þið að Manuel Neuer, markvörður Þjóðverja og Bayern München, var í bjór á Hygge í Fljótshlíð hjá yndislega mági mínum honum Jorge Muñoz og það í íslenskri lopapeysu!,“ skrifar Karen.

Neuer er að jafna sig eftir meiðsli sem hann varð fyrir á skíðum síðasta vetur en mikil reiði ríkti með þá ákvörðun hans að fara á skíði á miðju tímabili.

Neuer leikur fyrir þýska stórliðið FC Bayern en hann er ekki fyrsta knattspyrnustjarnan sem heimsækir land og þjóð þetta sumarið.

Eddie Howe þjálfari Newcastle í ensku úrvalsdeildinni var hér á dögunum en Neuer virðist njóta vel hér á landi í góðri lopapeysu á Suðurlandinu.