Hetjuleg barátta íslenska landsliðsins og góð spilamennska dugði því miður ekki gegn Portúgal í kvöld. Cristiano Ronaldo skoraði sigurmarkið í uppbótartíma.
Cristiano Ronaldo lék sinn 200 landsleik fyrir Portúgal en varnarlína íslenska liðsins varðist vel. Það var í uppbótartíma sem Ronaldo skoraði eina mark leiksins þegar Ísland var orðið manni færri.
Markið var fyrstu dæmt af vegna rangstöðu en eftir VAR skoðun var markið látið standa.
Willum Þór Willumsson fékk að líta rauða spjaldið þegar tíu mínútur voru eftir af leiknum og reyndist það íslenska liðinu erfitt.
Ísland er með þrjú stig eftir fjóra leiki en Portúgal er með 12 stig og Slóvakía tíu stig.
Einkunnir:
Rúnar Alex Rúnarsson 8
Ótrúleg bæting á leik hans á undanförnum mánuðum. Öruggur í öllum sínum aðgerð og varði vel.
Valgeir Lunddal (´79) 7
Kom virkilega vel út í hlutverki hægri bakvarðar og varðist vel.
Guðlaugur Victor Pálsson 8
Setti Rafael Leo í vasa sinn og pakkaði honum saman í einu og öllu. Frábær leikur. Hefði mátt nýta dauaðfæri í fyrri hálfleik.
Sverrir Ingi Ingason 9 – Maður leiksins
Stýrði vörn liðsins af stakri snilld, sagði mönnum til þegar það átti vel og spilaði afar vel.
Hörður Björgvin Magnússon 8
Einn af betri leikjum Harðar í lengri tíma, öflugur varnarlega og lét ekki gabba sig í einhverja vitleysu.
Willum Þór Willumsson 8
Þvílík innkoma í íslenska landsliðið, gríðarlega hæfileikaríkur. Dugnaður og vinnusemi í bland við gæði í kvöld en kvöldið endaði með rauðu spjaldi. Tekur út leikbann gegn Lúxemborg í haust.
Jóhann Berg Guðmundsson 8
Frábær leikur fyrirliðans, stjórnaði hraðanum sem íslenska liðið lék á einkar vel.
Arnór Ingvi Traustason (73´) 8
Staðan sem Arnar Þór Viðarsson fór að máta Arnór Ingva í, spilaði frábærlega í kvöld og hans besti landsleikur í mörg.
Jón Dagur Þorsteinsson (´79) 7
Komst aðeins of lítið í boltann en þegar það gerðist þá skapaði hann vandræði fyrir Portúgala.
Albert Guðmundsson 7
Í leik sem þessum nýtast ekki allir hæfileikar Alberts en hann vann vel fyrir kaupinu.
Alfreð Finnbogason (´73) 7
Náði nokkrum sinnum að halda vel í boltann og gerði vel í öllum varnarfærslum.
Varamenn:
Ísak Bergmann Jóhannesson (´73)
Spilaði of lítið til að fá einkunn.
Sævar Atli Magnússon (´73)
Spilaði of lítið til að fá einkunn.
Hákon Arnar Haraldsson (´79)
Spilaði of lítið til að fá einkunn.
Alfons Sampsted (´79)
Spilaði of lítið til að fá einkunn.
