Gary Neville, goðsögn Manchester United, segir að Chelsea hafi gert stór mistök í janúarglugganum.

Chelsea bætti við sig mörgum leikmönnum í janúar og þar á meðal Joao Felix sem kom frá Atletico Madrid.

Felix var hins vegar aðeins lánaður til Chelsea út tímabilið og náði félagið ekki að semja um neitt kaupákvæði í sumar.

Það voru gríðarleg mistök að mati Neville en Felix skoraði eina mark Chelsea í 4-1 tapi gegn Manchester United í vikunni.

,,Þetta er alvöru leikmaður, hvernig hann rekur boltann, hann er á öðru stigi en aðrir,“ sagði Neville.

,,Hann er með svo góða stjórn á boltanum og er gríðarlega góður. Hann sér að hann er með möguleika fyrir framan sig en hugsar að hann fari sjálfur og klárar færið vel.“

,,Chelsea er búið að kaupa alla leikmenn sem voru lausir en þeir bættu ekki við kaupákvæði í eina leikmanninum sem þeir þurftu.“