Íþróttavikan er komin á fulla ferð hér á 433.is og í Sjónvarpi símans. Helgi Fannar Sigurðsson og Hrafnkell Freyr Ágústsson fá til sín góða gesti í hverri viku og ræða það helsta úr heimi íþrótta. Í þetta sinn var gesturinn fyrrum Alþingismaðurinn Brynjar Níelsson.
Inter og Manchester City leika til úrslita í Meistaradeild Evrópu þetta tímabilið. Það varð ljóst eftir að liðin unnu AC Milan og Real Madrid örugglega.
„Við getum ekkert skafið af því að þetta er enginn draumaúrslitaleikur og voru engin draumaundanúrslit heldur,“ sagði Helgi í þættinum.
Brynjar tók til máls.
„Ítalirnir voru ótrúlega seigir. Ég horfi stundum á ítalska boltann og mér finnst hann ekkert rosalega spennandi. Maður sér Napoli sýna smá takta. Þeir eru með besta liðið þarna.“
Umræðan í heild er í spilaranum.
