Romelu Lukaku gæti átt framtíð fyrir sér hjá Chelsea. Hún verður hins vegar ekki rædd fyrr en eftir úrslitaleik Meistaradeildar Evrópu.

Lukaku er á láni hjá Inter frá Chelsea.

Hann var einmitt keyptur til Lundúnaliðsins frá Inter sumarið 2021 fyrir tæpar 100 milljónir punda.

Belgíski framherjinn stóð hins vegar engan veginn undir væntingum á Stamford Bridge og var lánaður til Inter á ný.

Mauricio Pochettino, sem er líklega að taka við Chelsea í sumar, er sagður opinn fyrir því að vinna með Lukaku.

Sjálfur vill kappinn hins vegar vera áfram á Ítalíu.

Sama hvernig því líður þá ætlar Chelsea ekki að ræða við Lukaku fyrr en eftir úrslitaleik Meistaradeildarinnar.

Inter er í úrslitaleiknum og mætir þar Real Madrid eða Manchester City.