Sala Glazer fjölskyldunnar á Manchester United gæti verið að færast nær ef marka má nýjustu fréttir.

Félagið hefur verið á sölu síðan í haust og hafa farið fram nokkrar „umferðir“ þar sem áhugasamir máttu leggja fram tilboð í félagið.

Sir Jim Ratcliffe og Katarinn Sheikh Jassim hafa leitt kapphlaupið um það að eignast United.

Nú segir breska götublaðið The Sun að Ratcliffe sé sá sem Glazer bræðurnir Avram og Joel vilji sjá eignast félagið.

Það er töluverður munur á tilboðum Jassim og Ratcliffe. Jasssim vill eignast allt félagið en Ratcliffe aðeins 50%.

Eignist Ratcliffe félagið myndu Avram og Joel halda sínum hlut í félaginu en aðrir meðlimir Glazer fjölskyldunnar myndu selja sinn hlut. Ratcliffe ætti því stærstan hlut í félaginu.

Ratcliffe á einnig Nice en ensk blöð segja að hann vilji styrkja liðið hressilega í sumar. Khephren Thuram sem er franskur landsliðsmaður sem leikur með Nice er strax orðaður við liðið.

David Raya er nefndur sem markvörður og Harry Kane sem framherji sem Ratcliffe er klár í að kaupa. Svona gæti United liðið litið út.