Harry Redknapp, fyrrum stjóri Tottenham og fleiri liða, telur að Harry Kane gæti farið frá félaginu í sumar en þó ekki til Manchester United.

Framherjinn á aðeins ár eftir af samningi sínum við Tottenham í sumar og hefur verið sterklega orðaður annað, þó aðallega til United.

Redknapp telur hins vegar líklegra að Kane fari til Chelsea. Ástæðurnar fyrir því eru athyglisverðar.

„Það verður áhugavert að sjá hvað gerist ef Mauricio Pochettino tekur við Chelsea. Það færi ekki vel í stuðningsmenn Tottenham ef Kane fer þangað. Ég held samt að það yrði frábært skref fyrir hann og ég held að hann sé að byggja hús nálægt svæði félagsins,“ segir Redknapp, en Pochettino þjálfaði Kane hjá Tottenham á tíma sínum þar.

Redknapp segir að Kane vilji helst ekki flytja frá London.

„Hann er fjölskyldumaður og væri glaður að þurfa ekki að fara til Norður-Englands eða þess háttar.“