Liverpool virðist vera að hverfa frá áformum um að fá Jude Bellingham til liðs við sig í sumar. Allir helstu miðlar á Englandi segja frá og The Athletic er einn þeirra.
Nú ers sagt í The Athletic að Liverpool muni frekar einbeita sér að því að fá inn Mason Mount miðjumann Chelsea.
Segir í grein Athletic að Liverpool vilji frekar fá inn nokkuð marga miðjumenn frekar en að einbeita sér að einum sem væri Bellingham.
Moises Caicedo og Alexis Mac Allister hjá Brighton eru líka á lista samkvæmt The Athletic.
Þá er Ryan Gravenberch hjá FC Bayern einnig sagður eiga marga aðdáendur í hópi starfsliðs Liverpool.
Bellingham er 19 ára gamall og einn eftirsóttasti leikmaður heims.
Kappinn hefur verið stórkostlegur fyrir Dortmunda, þar sem hann er algjör lykilmaður, þrátt fyrir ungan aldur og einnig fyrir enska landsliðið, þar sem hann heillaði til að mynda á HM á síðasta ári.
Talað er um að Dortmund vilji fá á bilinu 120-135 milljónir punda fyrir Bellingham og er það of mikið fyrir Liverpool. Félagið ætlar í enduruppbyggingu í sumar og getur ekki eytt svo miklu í einn leikmann.
