Jurgen Klopp, stjóri Liverpool, var súr á svip í dag eftir leik liðsins við Manchester City.

Liverpool tapaði 4-1 gegn Englandsmeisturunum í dag eftir að hafa komist yfir. Liðið var á afturfótunum eftir opnunarmark Mohamed Salah.

Klopp bjóst við að Man City myndi mæta sterkt til leiks í dag en var afskaplega óánægður með mörkin í síðari hálfleik.

Man City skoraði þrjú mörk í síðari hálfleik og náði Liverpool aldrei að ógna almennilega né svara.

,,Við sáum það sem við bjuggumst við, Manchester City var mun sterkari í fyrri hálfleik, þeir voru skipulagðir en við gerðum þeim erfitt fyrir og skoruðum frábært mark,“ sagði Klopp.

,,Það sem gerðist í seinni hálfleik gerðist en á ekki að gerast. Eftir það vorum við svo opnir og þeir gátu gert það sem þeir vildu og við þurftum að elta, við vorum heppnir að þeir gerðu það ekki enn frekar. Fyrir utan það er ekkert gott um leikinn að segja, þetta er leikur sem við þurfum að nota til að læra hvað má ekki gerast.“