„Annie vissi að hverju hún var að ganga þegar þau giftu sig,“ segir heimildarmaður enskra blaða um stöðu Kyle Walker og Annie Kilner.

Spjótin standa að Walker eftir að hann beraði sig á almannafæri á sunnudag og kyssti aðrar konur en eiginkonu sína.

Lögreglan er með málið á borði sínu en Walker sem er giftur maður fór með vinum sínum út á lífið á sunnudag en en um klukkan 19:00 tók hann djásnið út á bar í Manchester og gætti ekki að öryggismyndavél sem náði öllu á mynd.

Walker sást einnig í kringum aðrar konur en hann gæti ætt von á ákæru fyrir að fara út fyrir öll velsæmismörk á almannafæri.

„Hún óttast rannsókn lögreglu og ef það fer af stað þá er þetta líklega búið hjá þeim. Það er hins vegar ekki komið svo langt,“ segir heimildarmaðurinn sem er sagður náinn hjónunum.

„Hún óttast það sem aðrir hafa að segja um málið og hefur áhyggjur af krökkunum,“ segir í blöðunum en saman eiga þau þrjú börn.

„Kyle hefur lofað því að Manchester City klári málið fyrir sig og allt verði í lagi. En þetta er enn ein niðurlægingin fyrir hana.“

Kilner hefur fyrirgefið ýmsilegt í gegnum tíðina, hún tók aftur við honum eftir framhjáhald árið 2019.

Árið 2020 varð fyrirsætan Lauryn Goodmann ófrísk eftir Walker en Annie fyrirgaf það einnig eftir nokkra mánuði.

Á meðan þau voru í sundur hafði Walker leigt sér íbúð og fékk tvær vændiskonur heim til sín þegar útgöngubann var í Bretlandi vegna COVID-19.