Svar Giuseppe Marotta, framkvæmdastjóra Inter Milan sem segir ástæðu þess að framherjinn stóri og stæðilegi, Romelu Lukaku, vermi varamannabekk Inter í kvöld vera þá að Lukaku vegi 103 kíló, hafa vakið mikla athygli í kvöld.
Marotta var spurður út í liðsval þjálfara félagsins, Simone Inzaghi fyrir leik liðsins í kvöld gegn Porto í 16-liða úrslitum Meistaradeildar Evrópu.
Þar má finna Lukaku á meðal varamanna Inter Milan en blaðamenn náðu tali af Marotta áður en leikur Inter og Porto hófst í kvöld.
,,Romelu þarf að bera sín 103 kíló, hann verður að vera í góðu líkamlegu formi. Hann er ekki 100% enn. Hann nálgast þó sitt besta form.“
Marotta bætti því við að ætlast sé til þess að Lukaku muni hjálpa Inter Milan mikið í baráttunni á seinni hluta tímabilsins.
Lukaku hefur spilað 13 leiki á yfirstandandi tímabili í öllum keppnum og skorað 3 mörk.
Inter CEO Marotta: „Why Lukaku on the bench? Romelu has 103 kg to carry on his shoulders, he must be physically fit. It’s not yet 100% fit, he’s getting back to the best form”. 🚨🔵 #UCL
“We expect Romelu to do great things in the second part of the season”. pic.twitter.com/DYWrzLf0Ta
— Fabrizio Romano (@FabrizioRomano) February 22, 2023
