Newcastle 0 – 2 Liverpool
0-1 Darwin Nunez(’10)
0-2 Cody Gakpo(’17)
Lokaleik dagsins í ensku úrvalsdeildinni er nú lokið en Newcastle tók þá á móti Liverpool í Evrópuslag.
Bæði þessi lið gera sér vonir um Evrópusæti á tímabilinu en Newcastle tapaði aðeins sínum öðrum leik í deild í kvöld. Hitt tapið var einnig gegn Liverpool.
Cody Gakpo og Darwin Nunez gerðu mörk Liverpool sem hafði betur með tveimur mörkum gegn engu.
Newcastle spilaði manni færri alveg frá 22 mínútu en markmaðurinn Nick Pope fékk þá að líta rautt spjald fyrir að leggja hendur á boltann utan teigs.
Þeir svarthvítu voru hættulegir fram á við og áttu sín færi en leikurinn fjaraði út að lokum og fagna gestirnir sigri.
Newcastle er í fjórða sætinu með 41 stig, sex stigum á undan Liverpool sem er í því áttunda og á leik til góða.
