Richard Keys sérfræðingur í fótbolta sem áður starfaði hjá Sky Sports en starfar nú í Katar telur að framtíð Jurgen Klopp hjá Liverpool hangi nú á bláþræði.
Illa hefur gengið hjá Liverpool síðustu vikur og Keys telur að framtíð Klopp ráðist á því hvernig fari í 16 liða úrslitum Meistaradeildar Evrópu.
„Það er aðeins einn sigurvegari þegar þjálfari fer í stríð við fjölmiðla, og það er ekki þjálfarinn,“ segir Keys sem heldur því fram að Klopp sé pirraður út í marga blaðamenn sem skrifa um slæmt gengi Liverpool.
„Mín spá er að Klopp hoppi frá borði, ekki núna samt. Ef þeir tapa gegn Real Madrid í 16 liða úrslitum þá fer hann áður en næsta tímabil hefst. Liverpool er svo langt á eftir, þeir eru skugginn af sjálfum sér. Það er ekki eigendum Liverpool að kenna, það er á ábyrgð Klopp.“
„Hann fór alltof seint í endurýjun, það var einn helsti styrkleiki Ferguson hjá United. Hann reif sigursæl lið í sundur og bjó til nýtt. Hvað var Liverpool að spá með því að halda Milner, Henderson og Firmino? Tiago er kominn yfir sitt besta, ég hef svo sem aldrei haft álit á honum. Hann var rangur leikmaður á röngum tíma fyrir Liverpool.“
„Robertson virðist búinn með sína bestu tíma. Sá sem stýrir Liverpool á næstu leiktíð er með stórt verkefni í sinum höndum. Er Klopp klár í það? Ég held ekki.“
