Að­eins nokkrir dagar eru síðan að enska úr­vals­deildar­fé­lagið Arsenal gekk frá kaupum á mið­verðinum Jakub Kiwi­or frá Spezia á Ítalíu en nú þegar eru hann og unnusta hans Claudia Kowalczyk farin að finna fyrir vel­vild og stuðningi frá Lundúnum.

Jakub hefur verið að gera gott mót á Ítalíu undan­farna mánuði og það vakti at­hygli knatt­spyrnu­stjórans Mikel Arteta og for­ráða­manna Arsenal sem sáu það sem fýsi­legan kost að breikka leik­manna­hóp sinn með því að fá hann til liðs við sig.

Claudia, jafnan kölluð ‘Drottning twerksins’ fyrir hæfileika sína á dansgólfinu virðist einnig himin­lifandi með skipti Jakubs til Arsenal og þakkar hún fyrir alla vel­vildina og heilla­óskirnar, í kjöl­far fé­lags­skipta hans, í færslu á Insta­gram.

,,Takk fyrir allar kveðjurnar. Ég næ ekki að svara þeim öllum en kann virki­lega vel að meta þær. London ég er til­búin!“

Jakub gæti komið við sögu í sínum fyrsta leik fyrir Arsenal á morgun þegar að liðið mætir Manchester City í stór­leik í ensku bikar­keppninni.

Enski boltinn á 433 er í boði