Kjartan Henry Finnbogason er að ganga í raðir FH ef marka má heimildir Dr. Football.

Hinn 36 ára gamli Kjartan yfirgaf KR eftir síðasta tímabil. Ósætti hans við félagið í sumar vakti mikla athygli.

Nú er útlit fyrir að framherjinn sé á leið í FH. Sagt er að hann skrifi undir á morgun.

FH þarf að styrkja lið sitt eftir að hafa óvænt verið í fallbaráttu nær allt síðasta tímabil í Bestu deild karla.

Kjartan hefur skorað 49 mörk í 133 leikjum í efstu deild á Íslandi. Hann hefur aldrei leikið fyrir annað lið á Íslandi en KR og félagaskiptin ættu því að verða áhugaverð.

Kjartan Henry verður leikmaður FH á morgun segja Gurrí og hennar vinkonur á Lemon í Hafnarfirði

— Dr. Football Podcast (@drfootballpod) January 9, 2023