Goðsögnin Georgio Chiellini hefur tjáð sig um varnarmanninn Harry Maguire sem spilar með Manchester United.
Undanfarna mánuði hefur Maguire legið undir mikilli gagnrýni en hann varð dýrasti varnarmaður sögunnar er hann gekk í raðir Man Utd frá Leicester fyrir 80 milljónir punda árið 2019.
Margir telja að Maguire sé ekki að standast væntingar en hann ber fyrirliðabandið á Old Trafford.
Chiellini gerði garðinn frægan með Juventus sem einmitt varnarmaður en spilar í dag með LAFC í Bandaríkjunum.
,,Ég er leiður fyrir hönd Maguire því hann er góður leikmaður. Þeir heimta of mikið frá honum,“ sagði Chiellini.
,,Bara því hann kostaði 80 milljónir punda þá þarf hann að vera bestur í heimi í hverjum leik? Það er ekki rétt. Hann getur ekki stjórnað þessu.“
,,Hann og John Stones eru öflugt par. Kannski er Maguire enginn Rio Ferdinand en hann er nógu góður.“
