Erling Braut Haaland, framherji Manchester City, var spurður út í eigendur félagsins á blaðamannafundi í Noregi dag fyrir landsliðsverkefni.

Eigendur City, sem koma frá Abu Dhabi, hafa verið sakaðir um mannréttindabrot og að nota íþróttir til að hylma yfir með þeim, svokallaðan hvítþvott í íþróttum (e. sports washing).

Fjölmiðlamaður minntist á þetta við Haaland á blaðamannafundinum og spurði leikmanninn unga um hvað honum finndist um eigendurna.

„Í fyrsta lagi hef ég aldrei hitt þá. Ég þekki þá ekki svoleiðis. Þetta eru stórar ásakanir sem þú kemur með þarna. Ég get ekki tjáð mig mikið um þetta, það væri óþægilegt,“ svaraði Haaland.

Aftur minnstist spyrill á það að eigendur City hafi verið sakaður um að hvítþvott og að kaupin á honum hafi verið hluti af honum. Haaland var spurður út í hvað honum finndist um þetta.

„Ég hef haldið með City allt mitt líf. Pabbi spilaði þarna. Ég hef skorað fjórtán mörk og er að hugsa um íþróttahliðina. Ég tók ákvörðun um að koma hingað vegna þjálfara, leikmanna og annars, það er það sem ég var að hugsa,“ segir Haaland.

Hann var spurður út í það hvort leikmenn ræddu almennt hvítþvott í íþróttum. Haaland sagðist mjög meðvitaður um hvað það þýddi.

Stale Solbakken, þjálfari Noregs, ræddi málefnið einnig en sagði erfitt fyrir leikmenn að taka ábyrgð á gjörðum eigenda félaga.

„Enska úrvalsdeildin samþykkir Manchester City. Þetta er miklu stærri spurning heldur en fyrir einstaklinga að svara, hvort sem það er Pep Guardiola, Kevin De Bruyne eða Erling Haaland.

Þetta er mun stærra pólitískt vandamál heldur en að einstaklingar geti svarað fyrir þetta.“

Noregur mætir Slóveníu á laugardag og Serbíu þremur dögum síðar í Þjóðadeildinni.