Bruno Fernandes hefur opinberað það að hann hafi verið nálægt því að ganga til liðs við annað félag í ensku úrvalsdeildinni áður en hann fór til Manchester United á sínum tíma.
Hinn 28 ára gamli Fernandes gekk í raðir United í janúar árið 2020 fyrir 47 milljónum punda og hefur staðið sig vel síðan.
Árið 2020 vildi hann hins vegar ólmur ganga í raðir Tottenham.
Sporting, félagið sem Fernandes var hjá á þessum tíma, vildi hins vegar ekki samþykkja tilboð Tottenham þá.
„Mig langaði auðvitað að fara í ensku úrvalsdeildina. Mauricio Pochettino, sem var stjóri þá, langaði að fá mig. Þetta var gott tilboð en Sporting gerði allt til að halda mér,“ segir Fernandes í samtali við The Athletic.
Portúgalinn viðurkennir að hann hafi verið reiður út í Sporting á þessum tíma.
„Forseti Sporting talaði við mig en hann gerði það á vitlausum degi. Þetta var degi eftir að þeir höfnuðu tilboði Tottenham og ég var mjög reiður.“