Síðasti þáttur sumarsins af markaþætti Lenjudeildarinnar fór fram í gær. Þar gerðu sérfræðingarnir Hörður Snævar Jónsson og Hrafnkell Freyr Helgason upp sumarið í deildinni.

Þar var með annars valinn besti leikmaður deildarinnar í ár, sem og besti þjálfarinn.

Það þarf lítið að koma á óvart að báðir koma úr röðum Fylkis, öruggum sigurvegara deildarinnar.

Leikmaður ársins var valinn markvörðurinn Ólafur Kristófer Helgason. Hann hélt átta sinnum hreinu á tímabilinu og steig stór skref fram á við á ferli sínum, en hann er aðeins 19 ára gamall.

„Mér fannst erfitt að velja markvörð sem leikmann ársins,“ segir Hrafnkell Freyr Helgason sérfræðingur léttur í þættinum.„Hann á þetta skilið, var frábær í allt sumar,“ bætir hann við.

Þá var Rúnar Páll Sigmundsson valinn þjálfari ársins. Undir hans stjórn vann Fylkir til að mynda tólf leiki í röð í Lengjudeildinni í sumar.