Ralf Rangnick yfirgaf Manchester United fyrr í sumar eftir að hafa verið bráðabirgðastjóri seinni hluta síðustu leiktíðar. Þjóðverjinn átti að taka að sér ráðgjafahlutverk á bakvið tjöldin að því loknu en ekkert varð af því. Hann yfirgaf félagið þegar Erik ten Hag, núverandi stjóri, tók við.
Undir lok tíma síns hjá Man Utd ráðlagði Rangnick félaginu að fá fjóra leikmenn til liðs við sig.
Stærsta nafnið á þeim lista er Erling Braut Haaland. Rangncik hvatti Man Utd til að nýta sér klásúlu í samningi leikmannisns við Dortmund og kaupa hann. Erkifjendur United í Manchester City enduðu á að kaupa norska framherjann á 51 milljón punda.
Þá ráðlagði Rangnick Man Utd að fá til sín miðvörðinn Josko Gvardiol og miðjumanninn Konrad Laimer frá hans fyrrum félagi, RB Leipzig.
Loks vildi Rangnick sjá enska félagið kaupa þriðja leikmanninn frá Leipzig, sóknarmanninn Christopher Nkunku
