Manchester United ætlar að leggja fram nýtt og betra tilboð í Marko Arnautovic framherja Bologna. Sky Sports heldur því fram.
Arnautovic er 33 ára gamall en hann lék áður með Stoke og West Ham áður en hann fór til Kína en þaðan fór hann svo til Bologna.
Bologna hafnaði 7,6 milljóna punda tilboði United um helgina en Arnautovic er sagður hugsaður sem stuðningur við aðra framherja félagsins.
United er einnig að skoða Benjamin Sesko 19 ára framherja Red Bull Salzburg en ekkert samkomulag er í höfn þar.
United er einnig á eftir Adrien Rabiot miðjumanni Juventus og er samkomulag í höfn á milli félaga en ekki er samkomulag við Rabiot.
Sky segir að United haldi áfram að eltast við Frenkie de Jong hjá Barcelona en það mál hefur ekki þróast eins og United hafði vonast.